Yun Mei Japan
偶然一餐請同事食飯，即管豪一豪佢，去左間時時經過但都無入過既日本餐廳。 與其話係餐廳，不如話係酒吧。我地一入去，大廚（睇牆上既相認出，雖然真人好似老左ｏ的）係門口接待。吧枱位於正中間，負責供應酒水同埋壽司刺身。 我叫左個招牌刺身ｌｕｎｃｈ ｓｅｔ，除了主菜雜錦刺身，仲有一碗魚容魚子飯。魚子有味多汁，魚容入口即溶。大蝦小蝦鮮甜美味，魚生肉質新鮮，海膽腥而不苦（依個真係出面食唔到），螺肉爽口彈牙。仲有，佢既ｗａｓａｂｉ口感新鮮，質感軟滑，好容易點到刺身上，可能係大廚自家製。個塊紫蘇葉係真架，唔係綠膠片，碟上每一樣野（理論上）都係食得。 係香港，日本餐廳好多，好食既就好少。只有上次友人請我食既ＩＦＣ禮鮨（好食，但係好貴）及得上依一間。 餐廳：圓 地址：香港金鐘夏愨道１６號遠東金融中心地下Ｃ２舖