Long Way to Go

報左「信成」一人價錢二人同行，盛惠＄５９９既盤龍峽兩天遊，上個禮拜六出發喇。

Zhaoqing 8-9 Aug 2009 １．第一日：深圳灣口岸－＞肇慶某餐館，食午飯，車程４個鐘 ２．肇慶某餐館－＞盤古文化生態園 將緬甸人當係蚩尤後代，真係「惡搞」；係蚩尤部落中有個漢式百家姓宗祠，真係好鬼「惡搞」！ ３．盤古文化生態園－＞士革馬刀具廠（ｓｈｏｐｐｉｎｇ），花費３００大元 ４．士革馬刀具廠－＞蘆薈廠（ｓｈｏｐｐｉｎｇ），花費１００大元 ５．蘆薈廠－＞肇慶某餐館，食晚飯，自費９８大元 雖然號稱蟹皇宴，但係除左糯米飯上果隻蟹仔之外，根本一隻似樣既蟹都見唔到，更諻論蟹皇呢！ ６．肇慶某餐館－＞珍寶酒店 珍寶應該唔係英文ＪＵＭＢＯ咁解，可能係珍珠咁細既意思。 ７．珍寶酒店－＞肇慶音樂噴泉 佢令我諗起屯門市廣場拆左既音樂噴泉。 ８．肇慶音樂噴泉－＞七星岩夜遊，自費４０大元 ９．第二日：珍寶酒店食完早餐－＞德慶盤龍峽生態旅遊區，車程２個鐘 環保車狂噴黑烟，薰衣草凋零殘謝；唔知點解會有唔係工作人員係裡面賣生果，又有小朋友行乞。除左佢有獨特同宏偉既水車群同瀑布群之外，相對東部華僑城，佢既組織同管理都好差。兩個鐘可以行完。 １０．德慶盤龍峽生態旅遊區－＞水雲澗（ｓｈｏｐｐｉｎｇ），花費４００大元 布衣族賣茶既地方。雖然係ｓａｌｅｓ，但係主持講野勁好笑，好似做緊棟篤笑。不如叫黃子華做棟篤笑請佢做拍擋，或者星爺拍電影請佢做個角色啦。講真架！唔好浪費大好人材！ １１．水雲澗－＞金林水鄉 因為買盤龍峽團體票另送金林水鄉門票，所以我地都去一去。門口有好多攤檔，其中有小妹妹賣白蘭花，佢地賣花口號好有節奏感，又有二重唱，同ｈｉｐ－ｈｏｐ有得比！佢地應該來香港做廣告小童星！另一邊廂，表演唱山歌既姐姐就差得多，唱完之後竟然話「終於唱完」！佢地做得ｈｅａ，我地都睇得ｈｅａ。 １２．金林水鄉－＞德慶某餐館，食午飯 風味菜，之係無啖好食～ １３．德慶某餐館－＞深圳羅湖口岸，車程７個鐘 點解咁耐？司機蕩失路！